жаппай түйдектей ату

(Массированный огонь)

жалпы әскер құрамалары артиллериясының барлығының немесе басым бөлігінің қарсыластың маңызды объектілерін қысқа мерзімде жою мақсатында бір уақытта жүргізетін артиллериялық атыс түрі. Жаппай түйдектей атуды жүргізу үшін шартты атаулар берілген жаппай түйдектей ату аудандары тағайындалады. Егер аудандардың аумағы 800  800 м-ден аспаса, жаппай түйдектей атуға қатысушы барлық артиллериялық топтар (бөлімдер, дивизиондар) атысты аудан орталығында шоғырланған атысты жүргізу ережелері бойынша жүргізеді. Үлкен аумақты аудандарда жаппай түйдектей ату кезінде артиллериялық топтар, бөлімдер, диви-зиондар арасында нысаналар бөлектеп көрсетіледі. Мұндай жағдайда әрбір нысанаға (нысанаға қатысушыға, объектіге) жаппай түйдектей ату ауданының ішінде реттік нөмір беріледі және олардың әрқайсысын шоғырланған атыспен атады. Жаппай түйдектей ату Ұлы Отан соғысында, әсіресе 1942 ж-дың соңында кеңінен қолданылды. Кейбір шетел армияларында жаппай түйдектей атуды қолдану қарастырылған. Оның мәні артиллериялық бөлімшелердің (бөлімдердің) атысты маңызды объектілер бойынша бір уақытта жүргізуіне саяды.